اهم الاخبار
الإثنين 08 أغسطس 2022
#الجمهوريةـالجديدة
رئيس التحرير
خالد العوامي

الفن

التفاصيل الكاملة لخلاف الشاعر بهاء الدين محمد وشرين عبدالوهاب

الشاعر بهاء الدين
الشاعر بهاء الدين محمد

شن الشاعر الغنائي بهاء الدين محمد هجومًا حادًا على المطربة شيرين عبدالوهاب، بعدما صرحت الأخيرة عبر «إنستجرام» بأنها ندمت على تقديم أغنية «ماتجرحنيش»، والتي من كلمات الشاعر نفسه وهو ما أثار استياءه.

خلاف بهاء الدين محمد مع شيرين عبدالوهاب

ونشر بهاء الدين محمد عبر صفحته الرسمية على موقع التواصل الإجتماعي «فيسبوك» هجومه على المطربة المصرية، حيث صرح أن أداء شيرين للأغنية لم يعجبه، حيث أكد: «مش متعود أرد على أى حد، ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد في كل كارثة يدافع عنها».

وأضاف بهاء، قائلاً: «هتكلم بإختصار جدا، المشهد الأول أول يوم دخلت شيرين عبدالوهاب  مكتبى كانت مع الأستاذ نصر محروس اللى هو صاحب الفضل ف تقديمها، وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء، والمشهد الثانى رشحتها تغنى كتير بنعشق ولولا موافقة نصر إحتراما للعشرة اللى بنا ماكانتش هتغنيها لأنها كانت موقوفه من النقابة».

وتابع بهاء، قائلاً: «المشهد الثالث، لما فوجئت بمدير أعمالها الرجل اللى أنا بأحبه وبأحترمه لقيته بيكلمنى نيابه عنها ويقولى سمعنى الجديد وده طبعا خطأ لأن اللى بيغنى مهما كان إسمه مش المفروض يغلط غلطه زى دى !!! لأن المشهد ده مش لايق على المشهد الأول، والمشهد الرابع والأخير  أغنية ماتجرحنيش أنا لحد الأن مش عاجبنى غُنا شيرين مع إحترامى الكامل لصوتها وأكيد لولا الأستاذ نصر ماكانش هيتم اللقاء».

وأكد بهاء الدين محمد أن اغنية «ماتجرحنيش» من أهم أعماله، حيث قال: «من حقى أدافع عنها نتاج تهور اللى غنيتها، وكمان لأول مره ألاقى حد بيحارب نَفسه وبيغلط ف مبدعين إشتركوا ف صناعته، وعشان أكتب الكلام ده يبقى شيرين غلطانه كالعادة بس كان لازم أقولها ماتعمليش كده تانى وأنتى بتكبرى بس مش ح تعدى حدود حجم بعض الأسماء ولا أعمالهم».

وفي هذا السياق، تعرضت الفنانة شيرين لهجوم حاد، من خلال التعليقات التي كتبها البعض على منشور بهاء الدين محمد، واتهموها بالتهور وعدم إدراك قيمة الأشياء بصورة صحيحة، بينما قال آخرون إنه ربما خانها التعبير مثلما يحدث كثيراً، ولكنها لم تقصد إهانة الشاعر نفسه أو أي شخص عمل على الأغنية، وأشار الشاعر تامر حسين إلى أنه ربما يكون شخص من إدارة أعمالها هو من كتب نيابة عنها.

كلمات اغنية متجرحنيش

- «ما تجرحنيش اكتر من كده
حرام حرام عليك كده ما تجرحنيش وكفاية كده حرام حرام عليك كده .. خايفة منك خاف عليا يا حبيبي حس بيا .. دا انت اول حب ليا ولو انجرحت مش حاعيش، حرام عليك كده .. حرام».

- «انا غير الي اتخدعت في حبهم قبليك، انا غير اللي انجرحت في حبهم قبليك، انا الي بحس بيك .. بسمع كلام عينيك، تقولي هات يا عمري .. اعيشه بين ايديك
ازاي بتشك فيا وتقول بكدب عليك، خايفة منك خاف عليا، يا حبيبي حس بيا .. دا انت اول حب ليا، ولو انجرحت مش حاعيش، حرام عليك كده .. حرام».

من هو بهاء الدين محمد؟

جدير بالذكر أن بهاء الدين محمد شاعر مصري، تعاون مع كبار المطربين والمطربات المصريين والعرب من أبرزهم: «عمرو دياب، سميرة سعيد، أصالة، إيهاب توفيق، أنغام، راغب علامة، .. وغيرهم»، كما شارك كعضو لجنة تحكيم في برنامج المسابقات الشهير «ستار ميكر» والذي كان يُذاع على شاشة التليفزيون المصري في أوائل الألفية الثالثة.