حكاية شاي الكبوس .. من اعلان على التلفزيون لتصدر ترند تويتر وسط حالة من السخرية
شاي الكبوس .. بين السخرية والضحك والاعجاب انتشر اسم شاي الكبوس خلال الساعات القليلة الماضية حيث أصبح من أهم الترندات على تويتر وبالبحث حول انتشار ترند شاي الكبوس وجدنا انه منتشر جدا بين دول الخليج وسوف يتوافر فى مصر خلال الايام القادمة.
خلال السطور القادمة نستعرض ابرز التغريدات التى تحدثت عن شاي الكبوس بين الشاكر فى المنتج والساخر منه
شاهد الاعلان هنا
- شاي الكبوس يشعل تعليقات رواد مواقع التواصل الاجتماعي
يقول حساب يحمل اسم محمد بدوي: «بالنسبة للموضوع المتداول عن شاي "الكبوس" .. للعلم هو اسمه شاي "الكبوس" وليس "الكابوس" وانا بشربه ليا أكتر من 3 سنين .. شاي أردني أصلي .. وطعمه شديد جداً .. وهيكون تجربه مميزه لأي كييف شاي .. أفضل شاي ع الإطلاق .. ملحوظه "لو انت كييف شاي حُط نص ملعقة فقط لأنه تقيل جداً "»
وغرد حساب يحمل اسم الدورما قائلا: «هواعلان شاي الكبوس ده بجد .. انا فكراهم بيهرجوا والله ..وده لما تيجي تشربه تتف على شمالك قبل وللا بعد»
يقول لؤى محمود: «بالنسبة لحوار شاي الكابوس .. اولا هو اسمه الكبوس مش الكابوس .. ده شاي يمني واللي عاش في الخليج حيعرفه كويس ... لو كييف شاي حط نص معلقة سكر واضرب وادعيلي ... احسن 100 مرة من شاي البهظ اللي بتشربوه بمختلف انواعه».
ويقول عبد الرحمن سغيد : «الكبوس مش شاي الكابوس وافضل شاي في الخليج عموما لسه ضارب مج دلوقتي».
اما نور زهرة ترى أن شاي الكبوس دا من أحلي أنواع الشاي اللي ممكن أي حد يشربه دنا فرحت قوووي أما شوفت الأعلان .. جربوه وبعدين احكموا مش بالأسماء» ويقول رفيق الخطيب: «ان شاي الكبوس بصوره خريج هي السنة باينه من أولها حتي سنه التخرج سنه الكبوس»
وغرد حساب يحمل اسم عمر خالد قائلا: «قاعد في أمان الله قدام التلفزيون .. لقيت إعلان "شاي" اسمه "شاي الكبوس" .. هو ده اسم نقابل بيه ربنا في الأيام دي .. كبوس وجه بعيون تدور.. طيب انا مش شارب شاي».
وقال حساب يحمل اسم جايكوب: «حان وقت شرب شاي الكبوس الشاهي الأفضل والأطعم مسكين اللي ماقد جربه ويشرب غيره».
وغرد حساب يحمل اسم ياسر ابو محمد قائلا: «علي فكرة #شاي_الكبوس اللي الناس بتتريق عليه ناعم زي شاي العروسة وانضف من ليبتون ١٠٠ مره واللي بيقولوا ان المنتج فشل قبل ما ينزل السوق بالعكس ده نجح والدليل انه طلع ترند .. الناس بتحكم بس بالاسم من غير ما يجربوا المنتج».
- معلومات حول منتج شاي "الكبوس" الذي ظهر في السوق المصرية
اتخذ مؤسس الشركة اليمنية للشاي من مدينة عدن اليمنية مكان لبدء مشروع انتاج شاي الكبوس قبل الانتقال إلى العاصمة صنعاء وأقبل الناس عليه إقبالا تزايد مع مرور الأيام فاستمر في استيراده وبيعه حتى صار له اسم (شاي الكبوس) فازداد الطلب عليه ازديادا تجاريا كبيرا ليس في محافظات شمال اليمن فحسب بل ومن بعض الدول العربية.
وأصبح لذلك المنتج اسم كبير في أسواق الخليج وذلك لسعره الزهيد وانتشاره الواسع، في جميع الأوساط ولكن لم يستطع أن ينافس العلامات التجارية الكبرى في ذلك المجال.
وأسست (مجموعة الكبوس) عام ١٩٨٨م أول مصنع في اليمن لتعبئة وتغليف الشاي، ثم مصنع آخر في عام 2006 خارج اليمن لتغطية أسواق الخليج العربي.
