مراسيل الغرام بين " ملك ويوسف".. قصة حب لطفلين فى اولى ابتدائي
العاشقة الصغيرة: هاستناك ومش هتجوز غيرك.. ويوسف: مش هاحب حد غيرك
كتب أحمد حمادة
تجاوزت قصص الحب والعشق فى المجتمع توقعات الجميع، حيث إن قصة الحب التى تعرضها "الوكالة نيوز" لروميو وجوليت فى الابتدائى هذه المرة.
وتأتى قصة يوسف وحبيبته ملك اللذان لا يزال أطفالاً فى مقتبل عمرهما من أغرب قصص الحب التى يشهدها المجتمع فى الوقت الحالى، لاسيما أن الطفل "يوسف" الذى يبلغ من العمر "6 سنوات" أحب الطفلة صديقته فى المدرسة "ملك" التى تبلغ هى أيضا من العمر "6 سنوات" أرسلت إليه جوابات ورسائل الحب والغرام "بحبك يا يوسف و وملك هتجوز يوسف".
وعلقت والدة يوسف طالبة من المتابعين عبر مواقع التواصل الاجتماعى إرشادها إلى كيفية التصرف مع هذا الأمر: "السلام عليكم، لو سمحتم اللى فاهم بس هو اللى يعلق وباحترام لو سمحتم، ابنى فى أولى ابتدائى امبارح قالى ياماما ملك صحبتى كتبتلى جواب وبتحبنى ضحكت معاه وقولتله دى اختك حبيبى زى اخواتك البنات خلى بالك منها لاقيته جاى النهاردة وبيفرجنى على الورق دا كله دا عبارة عن بحبك يا يوسف وملك هتجوز يوسف قولولى اعمل ايه وانصرف ازاى".
ليجيب عدد من المتابعين: "باختصار وبكل هدوء هاتى للبنت شكولاته مثلا ورايحه تزورى ابنك ف المدرسه او بحجة تجيبيه واديها شككولاته وقوللها انتى ويوسف اخوات يا ملوكه م ينفع تكتبى كدا ولا نقول كدا عيب انتو اخوات ف المدرسه يا شطورة، وبس .. بس باسلوب لطيف وطفولى لان دى طفله ف كونى على قدر كافى من اللين ف كلامك ليها، وبلاش حتة تقولى ليها ده كلام كبار وبتاع بلاش كددا ده غلط وتصاحبى ابنك انه يجي يحكيلك كل حاجه وتفهميه بهدوء برضو وتتعاملى معاه ان الموضوع عادى جددداااا وبسيط وانهم اخوات".
وتابع أخرين: "على فكره بيكون عادي في مرحله الطفوله انا لحد 6 ابتدائي كنت بروح مع واحده صحبتي في الدرس ونشتري شيبسي ألخ.. وناكل واحنا ماشين اول ما دخلنا الاعداديه خلاص بقينا اصلا منعرفش بعض ولا اكن كان في طفوله مع بعض، بيتعلموا من الكبار طبعا والافلام والسينما والمسخره الموجوده ف الشارع قله تربيه وانعدام الاخلاق في البيت ربي ابنك وخليه يصلي ويعرف ربنا من صغره وفهميه كدا غلط وعيب وحرام من الاول".
وأضاف أخر: " دي حاجة مش وحشة خالص عادي انتى فهمتي ابنك انها اختة وخلاص وهي طفلة بريئة والكلام بريء مش هتتحرش بية يعني، هي بس ممكن تكون متأثرة بالمسلسلات والافلام ومشاعرها فياضة شوية لو الموضوع مضيقيك اوي عرفي مامتها بس مش شايفه انة حل هتكبري الموضوع ممكن تفهمي مامتها باسلوب هزار وضحك بس من انا شايفة انك تكبري وخلي ابنك يقولها انا بحبك زي اختي وخلاص البنت هتتصدم شوية بس خلاص عشان تكون خدت الصدمة وهي صغيرة ولما تكبر يجيلها مناع".
