اهم الاخبار
الإثنين 27 سبتمبر 2021
#الجمهوريةـالجديدة
رئيس التحرير
خالد العوامي

تحقيقات وحوارات

نجيب ساويرس "اتجنن".. يدعو لاستضافة لاجئين أفغانستان في القاهرة

الجمهور يرد: غرباء عنا.. نحذر من تسلل عناصر القاعدة والدواعش.. تهدد سلامة المجتمع وتنقل أفكار تكفيرية

نجيب ساويرس
نجيب ساويرس

حالة من الجدل اثارتها تغريدة لـ رجل الاعمال المصري الشهير نجيب ساويرس والتي اقترح فيها طرحاً يدعو لـ إستضافة اللاجئين القادمين من دولة افغانستان في القاهرة وذلك عقب سقوط كابل وسيطرة حركة طالبان علي مقاليد الحكم في افغانستان ورغم تأييد البعض لكن أغلبية المتابعين  أكدوا رفضهم لاقتراح نجيب ساويرس محذرين من خطرهم علي المجتمع المصري واصفين الأمر بـ المصيبة لانهم ربما ينقلون التشدد وتندس عناصر تنتمي لتنظيم القاعدة بما يمثل تهديداً لأمن وسلامة المجتمع مشيرين الي ان تلك العناصر قطعاً يتعمل علي تجنيد التكفيريين والدواعش مشددين علي انهم غرباء عنا وهناك حواجز كثيرة بين المصريين والافغان اولها اللغة والثقافة.

هل نستقبل الهاربين من طالبان ؟!

بداية الحالة الجدلية كانت عندما كتب نجيب ساويرس  تغريدته له علي حسابة الشخصي بموقع التواصل الاجتماعي " تويتر " قال فيها : إقتراح .. هل يمكن ان تستضيف الدولة المصرية عدد من المواطنين اللاجئين من افغانستان والهاربين من حكم حركة طالبان الافغانية ؟! ، وتابع نجيب ساويرس قائلاً  : والسؤال موجه للجميع ما عدا جماعة الإخوان في مصر .. وتوالت عقب كتابة التغريدة تعليقات المتابعين ما بين مؤيد ومعارض لما جاء بها من طرح وان كانت غالبية المعلقين استهجنت استضافة أي لاجئين من افغانستان في القاهرة.

استضافة لاجئين افغانستان مصيبة

حيث كتب عماد الدين فرحات ساخراً من تغريدة نجيب ساويرس : ممكن لو انت تتولي اقامتهم وعملهم مع تكلفة الإجراءات لإقامتهم في مصر ، هم ناس يعملون بجديه وكفاءة .. بينما عقب مصطفي بدر علي تغريدة ساويرس رافضاً ما جاء بها  : فيه بينا حواجز كتير اولها اللغة والثقافة ، وكمان الموضوع عشوائي جداً ، فهل الشعب الافغاني كله هيهرب مثلاً ؟ ، وتابع : أتفهم استضافة السوريين ، لان بيننا حاجات كتير مشتركه ، لكن الأفغان غرباء عنا ، صعب ينخرطوا هنا .. وايده في الرفض محمد عبد الفتاح قائلاً : المصيبة الكبرى يا نجيب بية انهم سينقلون لنا التشدد وليس التسهيل على البشر لالمشكلة ليس في الدين المشكلة فى تفكير هؤلاء البشر .. وعلق حساب اخر يحمل " حياة " ساخراً  : حضرتك عندك معلومة ان المواطن السورى ، واخد شقق وفيلات فى الرحاب ومدينتى والتجمع ، والتعبان فيهم قاعد فى مدينه نصر والشيخ زايد ، واردف : حضرتك احنا اللى هنكون لاجئين بعد كده ، والسؤال الصح امتى هيمشوا اللاجئين من مصر ؟!  ، والسؤال ايضاً : هل يتم فرض ضرائب عليهم ؟! ، وهل حق الدولة بتاخده منهم ولا انا بس كمواطن ؟!.

أذرع من داعش

وكتب حساب يحمل اسم " عزام دالي " : نجيب بيه رغم أني سوري الجنسبة ومش من حقي إني اتدخل ولكن أشوف لاء لانه ببساطة كل الأفغان متشددون دينيا ومش بس طالبان وبعدين كفاية السوريون ، نحنا طولنا كتير عندكم وتحياتي .. وعقب محمود هيرمس مؤيداً استضافتهم : بصراحة ايوه جداً من باب الانسانية بلد منكوبة من سنين و كمان احتلال و كمان شوية مرتزقة بيحكمو البلد اتفق معاك و اتمني نقدر نساعدهم من باب الرحمة والانسانية .. وقال اسكندر : ليه مستثني الاخوان ؟ على فكرة هما بيحبوا اوي العبث بالتركيبة الديموغرافيّة جداً ، نقدر نقول العبث بالديموغرافية المصرية هو معول الهدم الوحيد اللي اجتمع فيه التحرريين مع الاسلامنجية .. ومصطفي طلبة مغرداً : كفاية خطاب الكراهيه بقى ، بقينا شعب بيكره حتى نفسه ، المصريين مرحب بيهم في اكتر بلدان العالم و بيزعلوا لما يعيشوا في بلد بتعاملهم بتفرقة او شعبها عاوزهم يرحلوا ليه مش طايقين ضيوفنا ؟ .. وعلقت نشوي السيد : أهم حاجة ايه ميولهم السياسية وأفكار الناس اللي حتيجي ايه وممكن يكون فيهم ناس اصلاً تنتمي لتنظيم القاعدة ويبدأو بعمل قاعدة في مصر وينضم ليهم الجامعات التكفرية واذرع من داعش الموجودة في حالة جمود .

أنضف ناس في بيع الأفيون والسلاح

وقال شريف اسماعيل ساخراً : بصراحة محلات أبو أنس الأفغاني في التجمع أو فرع الرحاب وحتى عباس العقاد أحلى وأنظف سلاح ومتفجرات في مصر وعدهم تشكيلة إحزمة ناسفة وأنظف ناس في بيع الأفيون والسلاح .. وعقب اياد بدر : اقتراح : هل يمكن أن تتنازل عن ملايينك وكل ممتلكاتك تحت مسمى تنمية بلدك مصر ويشاركك فيها الملايين؟ السؤال لك أنت الملياردير نجيب ساويرس ، إذا أجبت بنعم يبقى وقتها ممكن نستضيف ارهابين افغانستان لنزيد عدد الارهابيين اللاجئين عندنا .. وقال حساب اخر يحمل اسم " المصري " : ممكن تبقى هجرة استثمار اللي معاه فلوس يجي ويتوطن بعد تعلمه اللغة العربية وإثبات اندماجه في المجتمع زي إيداع استثمار لمدة في بنك من البنوك او فتح مشروع برأس مال معين زي اللي بيحصل في كندا وامريكا احنا مش ناقصين ايد عاملة احنا عندنا حاجة لفلوس المستثمرين حالياً.