السيسي عن تعنت أثيوبيا: الخيارات كلها مفتوحة.. والتعاون أفضل

وجه الرئيس عبد الفتاح السيسي رسالة شديدة اللهجة إلى الأشقاء في أثيوبيا، بعدم المساس بحصة مصر في مياه النيل قائلا: «بلاش مرحلة أنك تمس نقطة مياه من مصر.. الخيارات كلها مفتوحة.. التعاون أفضل»، قال الرئيس السيسي، خلال كلمته في افتتاح مجمع الإصدارات المؤمنة والذكية بالعاصمة الإدارية إن قوله تعالى «وأعدوا لهم ما استطعتم من قوة ومن رباط الخيل»، الناس فاكرها القوة العسكرية بس، لكنه القوة الاقتصادية والثقافية والفكرية والمعنوية ده كله إعداد، الدولة مش قدرة عسكرية بس، دا قدرات متكاملة وبيسموها قوة الدولة الشاملة".

تعنت أثيوبيا

قال الرئيس السيسى، أن الدولة المصرية تعاملت مع مشروع سد النهضة بأسلوب الفرسان وكان موقفنا مشرف، واحترمنا رغبة الشعوب في أن يكون لها شكلا من أشكال التنمية. وطالب السيسى، أثيوبيا بضرورة التعاون فى ملف سد النهضة، قائلا: "التعاون أفضل ونجرى مع بعضنا للتنمية.. أنا لمست خلال السنوات الماضية فى الأشقاء بأثيوبيا الشعور بعدم الراحة.. أنا بتكلم عن الرأى العام.. طب ليه؟.. احنا كلنا مع بعض ولازم نتعاون مع بعض فى مفاوضات سد النهضة والقضية عادلة". [caption id="attachment_641546" align="alignnone" width="2560"] السيسي عن تعنت أثيوبيا: الخيارات كلها مفتوحة.. والتعاون أفضل[/caption] وأضاف الرئيس السيسى، خلال كلمته في افتتاح مجمع الوثائق المؤمنة والذكية:؛ "نهر النيل ده موضوع ربنا سبحانه وتعالى.. هو اللى بيعمله ومجرى المياه من عند ربنا.. وأنها توصل إلى مصر من عند ربنا.. ومصر لو كانت على ارتفاع مكنتش المياه هتدخلها.. واللى عمله ربنا مش هيغيره البشر".

نحترم أثيوبيا ولكن

وأكد الرئيس السيسى،: "أنا قولت في مصر نقدر التنمية بشرط أنه لا يمس مصالح مصر.. وكلامنا لم يتغير.. مش قولنا كلام وتراجعنا عنه.. من فضلكم.. نفس الكلام لم يتغير وقولت الكلام ده أمام البرلمان فى إثيوبيا.. أنا مش غيرت كلامى في احترام التنمية في إثيوبيا لتحسين أحوال شعوبهم.. في إطار أن هذا الأمر عدم المساس بمصالح مصر.. وهذا الكلام واضح". وحول قلق المصريين على المياه، قال الرئيس السيسي: "القلق بتاعكم مستحق ومشروع.. لكن يا ترى كل واحد قلقان على الميه حريص على المية، أنا قلقت على الميه من 2011، مبقتش ارتاح ولا اقدر أطمن من 2011 تحديدا من 25 يناير عرفت إن ها يبقى عندنا مشكلة كبيرة قوى"، داعيا المواطنين بالحفاظ على كل نقطة مياه. وقال الرئيس "اللى حصل في 2011.. كان أول مدخل للتحدى المياه.. طب وبعدين.. أرمى مخالفات في ترعة سواء كانت مبطنة أو غير مبطنة.. مش بتقول أنك بتحبها وتخاف عليها.. أنت تقدر تحافظ على المياه لوحدك.. ولو كل واحد عمل كده هنقدر نحافظ على المياه.. لازم نخلى بالنا من كل نقطة مياه موجودة عندنا". السيسي يشاهد فيلم تسجيلي عن مجمع الإصدارات المؤمنة https://youtu.be/6Jx6LSmDG5U