تامر حسني يحيي حفل غنائي في دبي السبت المقبل

يعيش النجم تامر حسني حالة من الانتعاش الفني خلال الفترة الحالية، حيث كشف عن أحيائه حفلًا غنائيًا، في دبي يوم السبت المقبل، يقدم خلاله مجموعة مميزة من أشهر أغانيه القديمة والحديثة التي يتفاعل معها الجمهور.

ومن أشهر الاغاني التي من المتوقع أن يقدمها تامر حسني على المسرح خلال حفله بدبي، هى: قرب حبيبى، نور عينى، بعيش، كل مرة، وفي جمال كده، وعيش بشوقك، تليفونى رن، ويا واحشني، صعبة، وحلو المكان، كفاية بعاد، وسى السيد وغيرها.

تامر حسني يطرح اغنيه موحشتكيش برفقة ثراء جبيل

وطرح الفنان تامر حسني أغنيته الجديدة بعنوان "موحشتكيش"، وهى من أحدث ألبوماته هرمون السعادة، بمشاركة الفنانة ثراء جبيل، ومن كلمات أمير طعيمة، ألحان وتوزيع أحمد إبراهيم، ماستر على فتح الله، وشاركته فى الفيديو الكليب الفنانة ثراء جبيل .

كلمات أغنية «موحشتكيش»:
شكل المكان زي ما كان

متغيرتش حاجات كتير

شايف بعيني ذكريات

من قلبي حبيتها بضمير

أجمل سنين أنا عيشتها كانت هنا

كل اللي ناقص في المكان إنتي وأنا

وتفاصيل كتير مش ممكن أحسها من غيرك

معقول أكون موحشتكيش؟

من يوم بعادنا مش بعيش

رغم الفراق مفارقتنيش

عندك خلاص واقفة الحياة

من بعد حضنك حضني مات

وكلامي يشبه للسكات

فاضلي منك ذكريات.. ذكريات

آه واللي فاضلي مني آه

بيلف صوتك في المكان

لسه صورنا على الرفوف

وكلام كتبته من زمان

وضحكتك بين الحروف

اسمك حبيبتي في كل لحظة أنا بنطقه

إحساس بعادك كل يوم أنا برفضه

ولا عمر قلبي في يوم هيحس بواحدة تانية غيرك

معقول أكون موحشتكيش؟

من يوم بعادنا مش بعيش

رغم الفراق مفارقتنيش

عندك خلاص واقفة الحياة

من بعد حضنك حضني مات

وكلامي يشبه للسكات

فاضلي منك ذكريات.. ذكريات

واللي فاضلي مني آه آه..

ثراء جبيل تعبر عن سعادتها بعد طرح موحشتكيش

عبرت الفنانة ثراء جبيل عن سعادتها بعد طرح اغنيه موحشتكيش للفنان تامر حسني، وكتبت خلال حسابها الشخصي بموقع التواصل الاجتماعي: "أخيراً الكليب نزل أنا سعيدة جداً لاختيارى إنى أكون جزءا من كليب للفنان اللى بحبه أوى وبحب أغانيه وبيضحكنى من قلبى استمتعت بكل لحظة فى الأغنية.. شكراً ليك يا تامر على اهتمامك وإحساسك بكل تفصيلة عشان كل اللى حواليك يطلعوا بالصورة الراقية دى".