رسائل حب متبادلة بين ثراء جبيل وتامر حسني بعد طرح "موحشتكيش"

طرح الفنان تامر حسني أغنيته الجديدة بعنوان "موحشتكيش"، وهى من أحدث ألبوماته هرمون السعادة، بمشاركة الفنانة ثراء جبيل، ومن كلمات أمير طعيمة، ألحان وتوزيع أحمد إبراهيم، ماستر على فتح الله، وشاركته فى الفيديو الكليب الفنانة ثراء جبيل .

ثراء جبيل لتامر حسني بعد طرح موحشتكيش: الفنان اللي بحبه أوى وبيضحكني

كتبت الفنانة ثراء جبيل رسالة إلى تامر حسني بعد طرح موحشتكيش، قالت فيها التالي: "أخيراً الكليب نزل أنا سعيدة جداً لاختيارى إنى أكون جزءا من كليب للفنان اللى بحبه أوى وبحب أغانيه وبيضحكنى من قلبى استمتعت بكل لحظة فى الأغنية.. شكراً ليك يا تامر على اهتمامك وإحساسك بكل تفصيلة عشان كل اللى حواليك يطلعوا بالصورة الراقية دى".

تامر حسني يرد على رسالة ثراء جبيل

من جانبه حرص النجم تامر حسنى على الرد، قائلا: "يا ثراء والله أنا اللى فخور بأدائك الرائع مبسوط بأدائك من قلبى الفنان اللى بتحبيه من وإنتى صغيرة والمخرج اللى وقفتى تمثلى قدامه ما شاء الله كل الناس حاسة إحساسك الجميل، اختيارى ليكى كان فى محله ، فعلاً تستحقي كل الخير و النجاح و أنا شايفك قريب جداً في مكانه كبيرة اوي اوي بإذن الله".

كلمات أغنية «موحشتكيش»:
شكل المكان زي ما كان

متغيرتش حاجات كتير

شايف بعيني ذكريات

من قلبي حبيتها بضمير

أجمل سنين أنا عيشتها كانت هنا

كل اللي ناقص في المكان إنتي وأنا

وتفاصيل كتير مش ممكن أحسها من غيرك

معقول أكون موحشتكيش؟

من يوم بعادنا مش بعيش

رغم الفراق مفارقتنيش

عندك خلاص واقفة الحياة

من بعد حضنك حضني مات

وكلامي يشبه للسكات

فاضلي منك ذكريات.. ذكريات

آه واللي فاضلي مني آه

بيلف صوتك في المكان

لسه صورنا على الرفوف

وكلام كتبته من زمان

وضحكتك بين الحروف

اسمك حبيبتي في كل لحظة أنا بنطقه

إحساس بعادك كل يوم أنا برفضه

ولا عمر قلبي في يوم هيحس بواحدة تانية غيرك

معقول أكون موحشتكيش؟

من يوم بعادنا مش بعيش

رغم الفراق مفارقتنيش

عندك خلاص واقفة الحياة

من بعد حضنك حضني مات

وكلامي يشبه للسكات

فاضلي منك ذكريات.. ذكريات

واللي فاضلي مني آه آه..