اهم الاخبار
الخميس 28 مارس 2024
#الجمهوريةـالجديدة
رئيس التحرير
خالد العوامي

دينا الشربيني تكشف عن شعورها لحظة وفاة هيثم احمد زكي

الوكالة نيوز

دينا الشربيني.. كشفت الفنانة دينا الشربيني عن شعورها لحظة تلقي خبر وفاة الفنان الراحل هيثم أحمد زكي، والذي توفى يوم 7 نوفمبر من عام 2019، وذلك خلال استضافتها في برنامج AB Talks، والذي يقدمه أنس بوخش، خلال موقع الفيديوهات العالمي يوتيوب.

دينا الشربيني تكشف عن شعورها لحظة وفاة هيثم احمد زكي

وقالت الشربيني، خلال اللقاء: "أصعب لحظة في حياتي لما واحد صاحبي أوي توفى، توفى في البيت جاله هبوط، ده هيثم زكي الله يرحمه".

وأضافت دينا الشربيني: كنت أعرفه من زمان، بكره فكرة الموت، مش عايزاها أصلًا تيجي في دماغي، ولكن الموت بيجي في ثانية، هيثم كنا كلنا بنحبه جدًا بس يمكن هو مكنش عارف إحنا قد إيه بنحبه، ساعات ببقى عايز بس الوقت يرجع أقوله أنا بحبك، وبعدين يمشي لو عايز".

دينا الشربيني

وتابعت: المتوفي ممكن يكون في حتة أحسن ومرتاح، بس بيوجع اللي حواليه هما اللي عايشين ده، بس هما أكيد مرتاحين، دايمًا بقول لأي حد أعرفه فقد حد عزيز منه، حطوا في دماغكم إن الشخص ده سافر".

واوضحت: بخاف من الوحدة والموت، الوحدة أكتر إحساس بيخوفني ومش بحبه، مش عايزة لما أكبر أعيش لوحدي، أكيد هيبقى نفسي في حد ياخد باله مني، لما بشوف حد كبير في السن لوحده مبتمناش أبقى كده، ومفيش حد يتمنى يكون كده".

دينا الشربيني: "حبيت مرتين في حياتي"

وكشفت الفنانة دينا الشربيني، خلال حلقة البرنامج عن عدد العلاقات العاطفية التي مرت بها في حياتها، حيث قالت: "حبيت مرتين في حياتي، وللأسف بكرر غلطاتي في علاقاتي.

وأضافت دينا الشربيني: معنى الحب بالنسبة لي هو الآمان والثقة والحنان، وبكره الكذب والخيانة في العلاقة، ومفهوم الحب ككل حلو، ولكن لما بيبقى الإنسان في علاقة ويحب بجد بيتوجع فده مش بحبه في الحب.

الفنانة دينا الشربيني

وتابعت: أؤمن بالحب من أول نظرة وحبيبة أوي، وأنا عارفة إني من جوا شخص ضعيف، لما بقعد مع نفسي قلبي خفيف أوي وبتأثر بسرعة وبحب بسرعة، وعشان بكره الضعف فباجي على نفسي، والحمد لله أنا أحسن من ناس كتير وكل حاجة بحبها حوليا، فلازم استحق ده عشان ميروحش مني".

دينا الشربيني عن طفولتها: كنت طفلة شقية وعندية وزنانة

كما تحدثت دينا الشربيني عن طفولتها، حيث قالت: «كنت طفلة شقية وعندية وزنانة بقول يا رب عيالي ميطلعوش زيي بس ربنا هيردهالي».


وأضافت: «معرفش إذا كنت بعرف أمثل ولا لأ ولحد دلوقتي أنا ممكن أبقى بمثل زفت».

وعن ردها إذا كانت تؤمن بالحب من أول نظرة، قالت: «أنا حبيبة، ولما باجي أتكلم على الكدب والخيانة في ناس بيبقوا شايفين إن أنا ممكن أعمل كده».

رد مفاجئ من دينا الشربيني بعد اتهامها بخطف رجل متزوج:« مش على راسي بطحة»

وعن اتهامها بخطف رجل متزوج من عائلته قائلة: «مش على راسي بطحة أو أنه لازم اطلع ادافع عن نفسي، مع إني عارفة أن ممكن يبقى ناس كتير كرهوني بسبب الموضوع ده».

اخر اعمال الفنانه دينا الشربيني

تجدر الإشارة إلى أن آخر أعمال الفنانة دينا الشربيني، هو مسلسل «المشوار»، الذي عرض ضمن الماراثون الرمضاني الماضي 2022، وهو من بطولة عدد كبير من الفنانين والفنانات، منهم محمد رمضان، أحمد كمال، عمرو عبدالجليل، بيومي فؤاد، أحمد صفوت، أحمد مجدي، وعدد آخر من الفنانين، والعمل من تأليف محمد فريد وإخراج محمد ياسين.