خطوات الكشف و العلاج ضمن مبادرة الدولة لدعم صحة المرأة

مبادرة رئيس الجمهورية لدعم صحة المرأة المصرية ، يتم تقديم خدماتها مجانا من الكشف و حتى العلاج ، يتم زيارة أقرب وحدة صحية من الساعة 9 صباحا حتى 3 مساء . -الأتجاة إلى أقرب وحدة صحية بالرقم القومى: هيستقبلك العاملين فى الوحدة و هيقوم بتوجيهك للشخص المسئول عن إدخال البيانات -إذا كان سنك 18 سنه فيما فوق: هتقوم مُدخلة البيانات بسؤالك ، 27 سؤال و إدخال النتائج على البرنامج ، بعدها هتقوم الرائدة الصحية بعمل ندوة توعوية عن سرطان الثدى و الفحص الذاتى. -و لو كان سنك من 35 أو أكبر: هتقوم مقدمة الخدمة الصحية بالكشف عليكى و كتابة نتيجة الفحص على كارت المتابعة. -إذا كانت نتيجة الكشف طبيعية: هاقوم مُدخلة البيانات بإدخال نتيجة الفحص على البرنامج ، و بعدين هتيلغك بميعاد الفحص اللى جاى و هتكتبة على الكارت. - و إذا كانت مش طبيعية: هتقوم بتسجيل نتيجة الفحص على البرنامج اللى هيحولك لمركز طبى متخصص ، و هتبلغك بالمكان و الميعاد و هتسجلهم على الكارت ، و هتتحولى لعيادة الفحص الإكلينيكى المتقدم ، فى مستشفيات الفحص المتقدمة ، و هناك هيقوم طبيب الجراحة أو الأورام بالكشف الإكلينيكى عليكى. - و إذا كانت نتيجة الكشف طبيعية: هيبلغوكى هناك بميعاد الفحص اللى جاى. و إذا كانت مش طبيعية: هتتحولى لعمل أشعة(ماموجرام و سونار) فى قسم الأشاعة و المستشفى. -و إذا كانت نتيجة الكشف طبيعة: مقدم الخدمة الصحية هيبلغك بميعاد الفحص اللى جاى. - و إذا كانت مش طبيعية : هيتم تحويلك لسحب عينة، و تحويلها لمعمل الباثولوجى. -إذا كانت نتيجة العينة مش طبيعية: هيتم تحويلك لأحد مراكز العلاج -و إذا كانت طبيعية: مقدم الخدمة الصحية هيبلغك بميعاد الفحص اللى جاى. كتبت: دينا أيمن