مشجعي الأهلي والقلعة البيضاء يعلقون على انتقال كهربا إلى الأحمر

علق مشجعي نادي الأهلي والزمالك على اقتراب اللاعب محمد عبد المنعم الشهير بـ"كهربا" إلى صفوف النادي الأهلي وسط موسم الانتقالات الشتوية، وذلك بعد فسخ عقده مع ناديه الحالي  ديسبروتيفو أفيس البرتغالي.

انتقال كهربا لفريق الأهلي

وحسبما أوضح مصدر من داخل النادي الأهلي في تصريح رافضًا ذكر اسمه، من المقرر أن يوقع كهربا لمدة 4 مواسم ونصف مع القلعة الحمراء.

تعليق الجماهير على انضمام كهربا للأهلي

وعلى موقع التواصل الاجتماعي "تويتر"، علق الكثير من مشجعي الفريقين، واختلفت التغريدات ما بين مشجعة لفعل ذلك وما بين سخرية.

علق محمود حسني: "صفقه  كهربا ده رد ع صفقه عبدالله السعيد والاهلي لما بيرد بيوجع"، فيما قال بكار: "الاهلي ناوي ناوي ومحمود كهربا اهلاااااااوي".

وغرد محمود علي: "لما تقول ان كهربا تعبان وبتحمد ربنا انه مشي يبقي لازم تشوف دكتور بواسير كويس لما الزمالك يجيب 65 جون في الدوري منهم 11 لكهربا و11 اسيست لكهربا + تسبب في 4 ضربات جزاء من 15 اتحسبت للزمالك ويجيب هدف التأهل لنهائي الكونفدرالية ويبقي كهربا تعبان يبقي مين اللي جامد شيكابالا؟؟".

وقال محمد عادل: "اتمني بس من كهربا و هو داخل اول يوم تدريب ف التتش يكون حاطط "صالح جمعه" أمام عينه علشان ميبقاش مصيره زيه و يروح ف النسيان.. ف الاهلي يا كهروب يأما تبقي راجل بره وجوه الملعب يأما OUT".

فيما قال ناصر علي: " مكسب للأهلي بس ما أتوقع ان مجلسه اداره الأهلي عمل الصفقة هذه ل أسباب فنيه أتوقع انها ردت فعل ع صفقه عبدالله السعيد بتوفيق ل كهرباء".

جماهير الأهلي ترحب بانضمام كهربا

وغرد محمد رمضان: "نقول بقى مبروك ل كهربا على الانضمام للأهلي"، فيما قال أحمد سمير: " بالنسبة لكهربا كهربا مش من النوع اللي بيقعد دكة ومش هيلعب على رمضان في الاهلي لو رمضان رجع انجلترا صفقة كهربا هتبقى كويسة ومفيدة للأهلي وهينجح والله اعلم".

وقالت سارة أحمد: "كهربا هيكون صفقة ناجحة للأهلي لأن الخطيب مش بيعمل غير اللي فيه الصالح واحب أقول ل كهربا: على الهادي يا زبادي.. في انتظارك بقى".

نور محمد

اقرأ أيضا

كهربا ينهي تفاصيل إنضمامه للأهلي ويوقع 4 سنوات ونصف