اهم الاخبار
الخميس 28 مارس 2024
#الجمهوريةـالجديدة
رئيس التحرير
خالد العوامي

الفن

بعد ظهورها بزي صعيدي.. أول تعليق من ريهام حجاج على منتقديها

زي صعيدي ريهام حجاج
زي صعيدي ريهام حجاج

انتقادات جديدة طالت مسلسل "كل ما نفترق "، وهذه المرة ليست بين نجوم العمل، لكن بين بطلة المسلسل ريهام حجاج والجمهور، ويقدم لكم موقع " الوكالة نيوز " في التقرير التالي، تعليقات الجمهور على دور ريهام حجاج في مسلسل وكل ما نفترق بعد ظهورها بزي صعيدي.

ريهام حجاج بزي صعيدي

ظهرت ريهام حجاج في مسلسل " وكل ما نفترق " في الحلقة 12 وهي متنكرة في زي صعيدي وهي ترتدي الجلباب والعمة ولكنها ظهرت بالقُصة، ونالت علي سخرية من رواد التواصل الاجتماعي، حيث يتهموا ريهام حجاج بأنها تستخف بعقل المشاهد.

ولم تقتصر الانتقادات علي الشكل فقط ولكن انتقدوها علي مشهد المطاردة مع الصعايدة، كما انتقد بعض رواد التواصل الاجتماعي على مشهد ريهام حجاج بالزي الصعيدي، وجاءت التعليقات كالتالي:

كتب احد المغردين، قائلاً: «ناس كتير عماله تتكلم عن الاستاذة ريهام حجاج في مسلسل " وكل مانفترق " متنكرة في دور صعيدي عامل اوصة، انا روحت ابص علي المشهد لقيتها فعلا متنكرة في دور صعيدي بأوصة وبيعاملوها كراجل عادي، بس لقيتها عامله حاجات اروش بكتير، كان في المشهد ناس صعايده حوالي خمستاشر واحد بيجروا وراها في السوق عاوزين يمسكوها، وفي وسط المطاردة الشرسة لقيت الاستاذة ريهام في الدقيقة 23 وتمانية وتلاتين ثانية بالظبط بتحدف واحد صعيدي من الل بيطاردوها بحزمة بقدونس بتيجي فيه وبيقع علي الارض ، اه والله»

وقال متابع اخر: «من شوية اشتغل قدامي مشهد لريهام حجاج والمفروض انها كده في هيئة صعيدي، استوب يا ابني ايه ده».

كما نشرت متابعة ساخرة من أداء ريهام حجاج وشاركت صور لها وكتبت: «استعدادات خاصة للفنانه الصعيدية من اوصول كورية بعد ترشيحها لبطولة الاختيار 3 في رمضان 2021».

وأيا كتبت متابعة اخرى: «الاستهزاء بعقلية المشاهد، ماهي بتمثل بفلوسها زي ما بتقول، المفروض ان ريهام حجاج متنكرة ولا ايه وهي متنكرة كأنها راجل صعيدي».

وكتب مغرد: «وبتحدف واحد تاني بلفة خس، وواحد تالت ببططساية صغيرة خالص، وعمالة بقي توقع فيهم واحد ورا التاني، محدش قادر عليها وحاجه في منتهي الل هيقول مني حفرغ قرن البسلة في دماغة، انا مبهددش، وارفق التغريدة بهشتاج، بتضربي الصعايدة ببقدونس يا ريهام وهما كيلو كفتة».

رد ريهام حجاج على الانتقادات التي طالتها

شاركت ريهام حجاج تعليق عبر صحفتها علي الانستجرام وكتبت: هي الناس اللي بتقول أن شخصية زينب ولد صعيدي بقصة! بتخترعوا ليه يعني، لو اللي بيتكلم مجنون فا المستمع عاقل اكيد، ازاي هعمل دور راجل الشخصية اسمها زينب.

واضافت زينب يعني زوزو بنت اول ظهور ليا في الحلقة الاولي يعني مش مفاجأة وطبيعي لو بنت شعرها كده ولبست عمة هيطلع ليها قُصة، ومش معني انها صعيدية يبقي لازم يكون شعرها كيرلي زي شخصية مأمونة البنات الصعايده القمر.

كما قال احمد الخواجة ما كييرها في المسلسل، أن شخصية ريهام حجاج ليست متنكرة ولكنها بنت اسمها زينب، وتعيش مع المطاريد لذلك ظهرت وهي ترتدي العمة، لافتاً انهم تعمدوا تسريحة الشعر حتي لا تظهر كأنها ولد فهي بنت ولكن طباعها رجولية لأنها تعيش وسط المطاريد.

بعد رد ريهام حجاج علي الانتقادات الموجهها لها لم تسلم من الانتقادات

وفي هذا السياق، شاركت مغردة رد ريهام حجاج ساخرة كتبت: «مستعينة بجملة من مسرحية " الواد سيد الشغال "، انت شديد اوي مع المشاهدين بتوعك، اخلاق فنانين حقيقين محترمين وشيك».

وكتب مغرد اخر: «المعني الحرفي لحن تكحلها عمتها».

وعلق متابع اخر: «كلامك ده بيحمل اكثر من معني واحنا مش فاهمين ولا واحد فيهم بصراحة».

هاجر شريف