العوامي في مساء القاهرة : مصر في عهد الرئيس السيسي تشهد طفرة غير مسبوقة في جميع المجالات 

-مروجو الاكاذيب والفيديوهات المفبريكة هدفهم تحويل مصر لدولة اشباح .. وانظروا ماذا فعلت الفتنة بدول المنطقة   اكد الاعلامي خالد العوامي ان مصر في عهد الرئيس السيسي تشهد طفرة غير مسبوقة في جميع المجالات من انجازات يشهد لها القاصي والداني . وقال العوامي خلال تقديمه لبرنامج مساء القاهرة على فضائية الحدث اليوم : الدولة المصرية بقيادة الرئيس عبدالفتاح السيسي بتتغير .. واي حد مش شايف التغير والتطور اللي حاصل في مجالات كتير يبقي عنده مشكلة ذاتية مع نفسه .. ربما يكون فيه حالة عدم رضا من بعض القرارات الاصلاحية .. لكن محدش يقدر ينكر انها قرارات بتعالج اخطاء سنين وسنين تم الصمت عليها بلا مبرر .. لحد ما استفحلت وبقت خطر حقيقي بيدمر اي نمو ممكن يحصل .. ومع النمو والتطور اللي احنا شايفينه لازم ناخد بالنا .. ان حرب تخريب العقول وحروب الجيل الرابع والخامس .. وحملات التشوية والفبركة وتزييف الواقع بتنمو كمان وبتتطور .. وده كان باين وواضح من فيديوهات كتير متركبة طلعت الايام اللي فاتت .. في محاولة منهم لزرع الفتنة وتهييج الناس وضرب حالة الاستقرار الداخلي اللي بتعيشها الدولة .. عشان كدة لازم نبقي جاهزين ومستعدين .. وواعيين لحملات الافك اللي شغالة ليل نهار ضد البلد .. مصر هي درة التاج .. مصر بتنهض وبتتغير وبتفقز للامام فيه نهضة تنموية في كل المجالات واللي ميشوفش من الغربال يبقي لا مؤاخذة اعمي .. تعالوا نشوف ليه مصر درة التاج .   https://youtu.be/YSB1QFiUntc اضاف العوامي : طبعا اللي احنا شايفينه من تطور ونمو لازم يواكبه حرب عدائية وحملة من الاشاعات والفيديوهات المضروبة .. حملة هدفها ان ميبقاش عندنا وطن .. هدفها ان البلد تتحول لدولة اشباح وخراب زي ما احنا شايفين في بعض الدول المجاورة .. ويمكن الفيديوهات القديمة اللي فجأة طلعت للشيخ مبروك عطية واللي تم فكها وتركيبها واعادة عرضها بشكل باين قوي هدفها زرع الفتنه واننا نوصل للنتيجة المأساوية اللي وصلتلها بلدان كتير حوالينا . وكمان زي ما حصل وبيحصل في موضوع مخالفات البناء اللي شهد كمية تحريف وتزييف واشاعات وفيديوهات غير عادية .. الهدف منها زعزعة ثقة المواطن في مؤسسات الدولة وقيادتها السياسية .. واظهار الموضوع وكأنه الهدف منه لم فلوس من الناس وبس .. ناسيين او متناسيين حق الدولة في الحفاظ علي الرقعة الزراعية .. وحماية حقوق الاجيال الحالية واللي جايه في انها تعيش في وطن منظم آمن مستقر .. مفيهوش بؤر عشوائية تصدر لنا المرض والجهل والتخلف والجريمة والارهاب والتطرف . ايه نسيتوا البؤر العشوائية اللي كانت نقطة ضعف وشوكه في ضهر الدولة .. واللي كانت ملاذ امن للمجرمين والارهابيين الهربانيين من العدالة .. واللي كانت مصدر لتخريج المتطرفين والمجرمين .. واي حد كان يحب يهاجم مصر كان بيصدر العشوائيات كسلاح لتشوية الدولة وضربها .. نسيتوا كل ده .. النهاردة مصر بتتخلص من عشوائيات الماضي .. وبتبني بلد جديدة متطورة .. بلد بتحافظ علي حق مواطنيها في انهم يعيشوا في اماكن تراعي ادميتهم وتحمي انسانيتهم .. من الاخر لازم تعرفو اننا بنواجه حرب اشاعات قذرة ولازم يبقي عندنا وعي وفهم لمواجهتها .. عشان كده انا عجبني فيديو مهم عمله حزب الحركة الوطنية المصرية وبوابة الوكالة نيوز الاخبارية عن الاشاعات تعالوا نشوفه ونرجعلكم تاني . https://www.facebook.com/elwekalanews/videos/672099823660181/ وتابع:   ان شاء الله مصر هتكون بخير .. ومش هنوصل لده ابدا طالما عندنا قيادة وطنية وشعب واعي .. بس يا تري فاكرين الخلية الاخوانية اللي اتقبض عليها في شهر يوليو اللي فات .. واعترافاتها بفبركة الفيديوهات عن السد الاثيوبي وليبيا وانتخابات الشيوخ وكورونا .. وصناعة اصوات متركبة .. يضللوا بيها الناس ويخدعوهم ويعملوا وقيعة بينهم وبين الدولة .. ويحرضوهم للخروج في مظاهرات .. المتهمين اللي اتقبض عليهم اعترفوا بان التمويل المالي كان بيوصلهم عن طريق الارهابي حمدي زوبع والارهابي عبد الله الشريف .. مش دي كلها بتدخل تحت بند حروب الجيل الرابع والخامس .. مش دي كلها دلائل وبراهين مفيهاش ذرة شك واحدة انهم مش هيسبونا في حالنا ؟ .. وانهم مصرين علي حرب تخريب العقول وهدم الدولة .. كل دي دلائل علي ان كل خطوه بنمشيها لقدام وكل انجاز بيتحقق .. بيصبهم بالجنون وبيزيدهم عداء ونكران وكراهية ضد البلد . " ويمكرون والله خير الماكرين " .. مصر عندها قيادة رشيدة عاقلة ممثلة في الرئيس عبد الفتاح السيسي .. مصر ليها جيش قوي قادر علي انه يحمي ارادتها .. ويحمي سيادتها .. ويحمي شعبها .. مش هيقدرو .. ولا حد هيقدر يمس امن مصر بسوء طول ما جيش مصر موجود .. عشان كدة بنشوفهم بيشنوا حملات مسعورة للنيل من الجيش المصري .. عشان عارفين انه عمود الخيمة وانه رمانة ميزان مصر .. والحقيقة مش عارف ليه ربنا عاميهم ومش واخدين بالهم ان خير اجناد الارض .. سيظلوا وسيبقوا خير اجناد الارض ليوم الدين .. تعالوا طيب نشوف ونسمع   https://www.facebook.com/elwekalanews/videos/599857890690166/ اكمل العوامي : واوعوا تفتكروا ان الفيديوهات والقصص اللي هما بيروجوها بتطلع بشكل عشوائي .. او انها وليدة اللحظة او الصدفة .. لا دي ماشية بخطط موضوعة مسبقا وممنهجة .. وزي ما وصفها بعض الخبراء والمراقبين بانها بتتبع اسلوب الدعاية " النازية " .. يعني بتختلق حكايات واكاذيب من العدم ومش موجودة في الواقع .. وبعدين يصنعوا عليها ماتريل من الفيديوهات والاخبار المضروبة والاشاعات ويروجوها وسط الناس .. لاشاعة مناخ من الفتنة والاحباط واليأس .. وترسيخ لحالة الانقسام المجتمعي .. والخلاف اللي ممكن يوصل لحد القطيعة .. عشان يوصلوا في النهاية لجبهة داخلية مفككة . وعشان كدة لما تسمعوا ان الجماعة الارهابية .. أستأجرت سبع شركات عالمية متخصصة في الاعلام والعلاقات العامة متستغربوش .. واما تعرفوا ان الجماعة رصدت ميزانية خمسين مليون دولار في السنة للغرض ده برضة متستغربوش .. الشركات دي بقي هي اللي بتصنع الفيديوهات المضروبة .. وتبعتها لمنابر الاخوان الاعلامية زي الجزيرة والشرق ومكملين .. وتبعتها للكتائب الاليكترونية بتاعتهم .. ويبدأوا في ترويجها .. عشان يضربوا الدولة في عمقها الداخلي .. ويثيروا حالة من السخط والجدل بين الناس .. يعني بيغتالك معنويا ونفسيا .. ويحولك لشخص كاره لبلدك ومؤسسات دولتك .. وكل انجاز هيتعمل هيتقابل بحملات تشكيك وتخريب وتشوية للعقول .. وعشان تصدقوني تعالوا نشوف ونسمع الفيديو ده   https://www.facebook.com/elwekalanews/videos/991387594657200/ وتابع ايضا:   " الانجاز والتشكيك " كلمتين قالهم الريس بيلخصوا الاسباب الحقيقية ورا كل اللي بنواجهة من حملات تشوية مغرضة .. يعني من الاخر بيصنعلك راي عام مزيف .. راي عام يشككك في رموز الدوله وقيادتها .. لحد ما تفقد الثقة في رموزك .. وتدريجيا هتفقد الثقة في بلدك .. وبعدين تفقد الثقة حتي في نفسك كمان .. وتتحول لانسان ضعيف تتقاذفك الاشاعات والاخبار المغلوطة .. عشان كده لازم الناس تفوق وتعرف ايه هو الحق والباطل .. وتعرفوا ان اللي وصلنا ليه من نجاح وتطور مش هيعدي بالساهل .. واننا لازم نبقي عارفين حجم وخطورة الحرب اللي احنا بنواجهااا شكلهاااا ايه .. حرب تخريب العقول حرب تشويه الواقع .. حرب اسقاط مصر .. حرب مبتستهدفش اشخاص قد ما بتستهدف بلد بحالها .. رب اجعل هذا البلد امنا . .. طيب تعالوا كدة نشوف مع بعض الابواق اللي بتشكك فيك وفي بلدك .. بتقول عليك ايه .. شوفوا بيقولوا علي الشعب المصري ايه .. تعالوا نشوف بيقولوا ايه علي خير اجناد الارض جيش مصر .. وعلي شعب مصر العظيم .. تعالوا نشوف قد ايه الخسة والندالة والنكران .. تخيلوا عاوزين يعلقوا ٤ مليون مسيحي علي المشانق معتبرين انهم في حالة حرب مع الشعب المصري .. تخيلوا بيطالبوا بحرق الازهر والكنيسة .. ده ان دل علي شئ فبيدل علي اننا قدام تنظيم نازي لا عنده مله ولا عنده دين .. تعالوا نشوف بيقولوا ايه .   https://www.facebook.com/elwekalanews/videos/664183824200667/ هل بعد اللي اسمعتوه ده ممكن الناس دي حد يصدقها .. يعني ممكن بعد كلامهم ده عن شعب مصر وجيش مصر ومسيحيين مصر ممكن انا كمواطن انجر ليهم وامشي وراهم .. هل ممكن اقول ان الناس دي بتعرف ربنا وعندها شرع ودين واخلاق ووطنية .. تخيلوا بقي لما يطلع واحد نجس زي ده .. يوصف الشعب المصري كله بانه شعب نجس .. حاجة غريبة والله .. والله .. والله انكم انتم اللي انجس خلق الله .