السيسي عن المساجد المخالفة: «اللي عاوز يبنى حاجة لربنا يسرق أرضه؟»
أكد الرئيس عبدالفتاح السيسي، أن محور المحمودية سيعطي حرية حركة بالإسكندرية مضيفا: دائما سنجد من يشككون في المشروعات التي ننفذها، مضيفا: "فيه ناس بتتكلم بشكل سلبي عن الإجراء، كان فيه 30 مسجد وتعديات أخرى ويقولوا بيهدوا مساجد ربنا ، والله لا يرضي ربنا سبحانه وتعالى بس هما ميعرفهوش.. ويقولوا بيهدوا جوامع ربنا، شوف المصريين، احنا، استغفر الله العظيم".
وقال الرئيس السيسي خلال افتتاح عدد من المشروعات القومية في الإسكندرية: "يا رب تبقوا زينا في إن انتوا تعملوا حساب ربنا انتوا بتخربوا الشعوب وتدمروها وتدمروا الأمم وتضيعوها، جايين تتكلموا علينا لما بنبنى ونعمر هو ده المنظر اللي كنا بنتعاير بيه ويقول شوف المصريين وشوف فقرهم وخيبتهم عاملة إزاي".
وتابع الرئيس: "احنا بنفتتح وسعداء والبحيرة فيها 77 جامع مخالف على حرم الترعة، اللي عاوز يبني حاجة لربنا يسرق أرضه؟، دي سرقة".
ووجه الرئيس محافظ البحيرة لتدشين محاور على كل ضفة وإنشاء مساجد بديلة بنفس النمط، قائلا: "بشكرك وانا معاك والدولة معاك نعمل 4 محاور على كل ضفة ونعمل المساجد بنفش النمط ومساكن لأهلنا اللي اتعدوا لكن احنا بنحاسب نفسنا التجاوز اللي تم احنا ندفع تمنه مش الناس".
