رياضة
حقيقة أم سراب.. نكشف خطة الأهلي لخطف موهبة الجزائر لحل أزماته الدفاعية ودور معلول في إتمام الصفقة
انتشرت تقارير صحفية جزائرية ومصرية عن وجود اهتمام من النادي الأهلي بأحد لاعبي الدوري الجزائري للمحترفيين، والي تألق بشكل كبير خلال الفترة الأخيرة، وقدم مباريات كبيرة، طيب هل الأهلي في الأساس محتاج اللاعب ده ومين هو اللاعب ده وهل التقارير ديه صحيحة من الأساس، احنا بقى دورنا نكشفلكم القصة من البداية للنهاية.
معاناة دفاعية
الأهلي ورغم فوزه بخمس بطولات ظهر بشكل سئ جداً خلال الفترة الأخيرة على المستوى الدفاعي، وعلى الرغم من تألق محمد عبد المنعم، إلا ان اتنخفاض مستوى ياسر إبراهيم، وإصابات رامي ربيعة ومحمود متولي المتكررة، خلت النادي الأهلي يدور على مدافع بمواصفات خاصة بناء على طلب من المدير الفني السويسري مارسيل كولر، والنادي اتعرض عليه أكتر من لاعب أخرهم زين الدين بلعيد قائد نادي اتحاد العاصمة الجزائري الي يعتبر واحد من أقوى المدافعين في إفريقيا، وظهر ده بشكل واضح في مباراة الأهلي في السوبر الإفريقي والي سجل فيه هدف الفوز بالبطولة.
مشكلة بسبب الأجانب
عدد الأجانب في النادي الأهلي مكتمل وده بعد ضم أنتوني موديست لدعم هجوم الفريق الأحمر، وتواجد رضا سليم، وعلي معلول، وأليو ديانج، ومحمد الضاوي كريستو، ده ممكن يمنع انتقال بلعيد الموسم ده على الأقل، ولكن في حل أن محمد الضاوي الي مبيشاركش بشكل مستمر يتم إعارته، طبعاً ده حل مطروح بشكل قوي في يناير.
رد فعل بلعيد
بحسب مصارد مطلعة بلعيد موافق بشكل كبير انه ينتقل للنادي الأهلي، خاصة وأنه متأكد أنه هيتطور بشكل كبير، وهو كمان عارف أنه هيكون إضافة قوية للفريق الأحمر خاصة وأنه بيتميز بشصخية قيادة خلته وهو في عهمر الـ24 يحمل شارة قيادة الفريق وده الي الأهلي محتاجه في خط دفاعه خلال الفترة الي جاية، خاصة وأن اللاعب اتطرح اسمه بداية الموسم الي فات عشان ينتقل للنادي الأهلي ولكن فضل الفريق الأحمر التعاقد مع احمد القندوسي، لتدعيم خط وسط الفريق وده أدى لفشل الصفقة، بلعيد برضوا اتعرض على نادي الزمالك لكن الصفقة متمتش عشان الفريق الأبيض شاف أن صفوفه على مستوى خط الدفاع مكتملة.
صفقة بلعيد هتبقى إضافة قوية لأي فريق هيضمه خاصة وأن لاعب صغير في السن وقابل للتطور بشكل كبير وفي حالة ضم الأهلي ليه هيكون مكسب كبير للطرفين بسبب ان الأهلي هيعمل صفقة لسنين قدام زي علي معلول كدا الي قدم للأهلي كتير خلال سبع سنين قضاهم داخل جدران الفريق الأحمر.
