اهم الاخبار
الجمعة 27 يناير 2023
#الجمهوريةـالجديدة
رئيس التحرير
خالد العوامي

أخبار عاجلة

السيسي: بنعمل تطوير عمرانى.. ولا نخلى منطقة دون تعويض أهلها

الوكالة نيوز

وجه السيد الرئيس عبدالفتاح السيسي بعمل محاور حركة بمنطقة الـ 1500 فدان المجاورة لمحور المشير أبو ذكري، مضيفا: "المواضيع لا تنتهي ..هي موجة وحاجة عملناها مرة وسقفنا وفرحنا دي حياة ناس ومسؤولين عنها .. أرجو آلاف الأفدنة التانين والشغل الموجود في مشارف والطرق والصحراوي لازم يكون 6 حارات أو لو اكتر من كده يبقا كويس ..لان حجم الكتلة السكانية لـ 1500 فدان منهم 400 فدان منطقة صناعية هيبقا الحركة الموجودة ضخمة جدا..المهم نعمل محاور حركة للكتلة الكبيرة دي ومش هيبقا فيها أقل من نص مليون".

 وأضاف الرئيس خلال افتتاح محور المشير أبو ذكري: "بتكلم على الهواء وبتكلم مع الناس في مصر على الهواء، المنطقة دي  يا جماعة بنعمل تطوير عمراني مش علشان نؤذى الناس..البديل التاني النمو داخل الإسكندرية ومتعرفش تعيش ولا تمشى مفيش قدامي الا الاتجاه غربا وشرق ولاعادة صياغتها والكلام وزارة الإسكان والكهرباء والداخلية ودورها بقوله على الهواء لما نيجي نقول المنطقة يتم اخلائها يتم اخلائها ومش هنخلى منطقة دون ان نعوضه..كنا بنعوض التعويض الاجتماعي علشان لا نؤذي الناس.. أرجو التلبية اللى بنعمله مش علشان صالح حد ولكن لصالح الكتلة الكبيرة".

 وتابع السيسي: "المواطن اللى بنا على الجسر مش ذنب المواطن ولكن مؤسسات الدولة سابته..مش هقول معذور الدولة غايبة.. واحنا بنعيد الكلام ده أي حاجة هتعملها الدولة بتحط كل الاعتبارات في التخطيط واى حد بيعمل الكتلة التانية وحد عنده فدانيين تلاتة بيقسموهم ..طيب فين المستشفيات والمدارس والمرافق المطلوبة؟..المرافق المطلوبة لأى عمل بنعمله بنحط فيه الكلام ده.. بنحط جامع وكنيسة ومدرسة لكن اللى عنده فدان ارض بيقسموا ويبيعوا ويتعمل شقق..ساعدونا في تغيير نمط حياتنا اللى ماشيين فيه.

وقد مازح الرئيس السيسي، وزير النقل كامل الوزير، قائلا: "الأرض بتاع الطريق والسكة الحديد غالية قوي مش عاوز يدي حاجة يقولك أرضى يا عم ده انت نحلت وبرنا".. نحل وبر الدولة في مشروعات النقل بتاعته ويقولك لا مديكومش ده حرم السكة الحديد بتاعتي ده كانوا بانيين عليها زمان وعشوائيا لما جينا متكلم على المحور تقول لا.

رد وزير النقل قائلا: "خلال افتتاح مشروع محور أبو ذكري.. روحت للقائد العام وقلتله خد اللى انتوا عاوزينه بس نكتب ورقة علشان نحفظ حق السكة الحديد".

قال الرئيس السيسي: "أنا موافق يا كامل .. قله المحاور اللى تعملت ادينا تمنها دلوقتي سيب وانا سيب يا كامل".