اهم الاخبار
الجمعة 02 ديسمبر 2022
#الجمهوريةـالجديدة
رئيس التحرير
خالد العوامي

أخبار عاجلة

الرئيس السيسي: مفيش وقت نضيعه والرمال السوداء محتاج متابعة بدقة شديدة

الوكالة نيوز

أكد الرئيس عبد الفتاح السيسى، أن الدولة المصرية ليس أمامها وقت لإضاعته، قائلا: "نشجع العمل فى مشروع الرمال السوداء.. علشان مفيش وقت أو فرصة نضيعها.. ومش ينفع نقول ماشى بقى أن شاء الله نبقى نفكر.. مفيش نفكر.. الحمد لله رب العالمين.. مش اول مرة اسمع الموضوع ده.. ده موضوع متابعة بدقة شديدة.. دى فلوس بنحطها ونأمل أنها تجيب لنا حاجة.. وبنعمل ده جنب جنب ده يقوم البلد تطلع لقدام".

وأضاف الرئيس السيسى، خلال كلمته فى افتتاح مصنع الرمال السوداء، بحضور الرئيس عبد الفتاح السيسي: "أرجو أن رسالتى تصل للقطاع الخاص.. خشوا لوحدكم هنساعد معاكم.. ماشي.. بشراكة ندخل معاكم.. بحيث نقدر نعمل أكثر من مجمع للرمال السوداء".

قال الرئيس عبد الفتاح السيسي، أن الأمور الخاصة بعمل مجمع مصانع الرمال السوداء أصبحت متوفرة، قائلا: "طبعا كل الأمور الأساسية بقت متوفرة.. سواء مياه معالجة وتحلية بحر.. والكهرباء والطرق وهنكمل.. بنشكر الشركات المدنية وشركات التعدين.. كل اللى اشتغل فى هذا المشروع بوجه التحية والشكر". 

وأضاف الرئيس السيسي: "أول مرة نقدم على خطوة في هذا المجال.. هتكونوا رواد في هذا المجال.. وربنا سبحانه وتعالي يجعل فيه خير كتير.. نعمل اكثر من مجمع زي كده خلال السنوات القليلة القادمة.. في النهاية بنشغل ناس وبنجيب عوائد بالعملة الحرة كويسة.. بنوفر فلوس نبتشري بيها منتجات زي كده.. بتطلع من عندنا وتباع داخل السوق المصرية".