اهم الاخبار
الجمعة 30 سبتمبر 2022
#الجمهوريةـالجديدة
رئيس التحرير
خالد العوامي

الفن

الفنان حازم إيهاب يكشف لأول مرة تفاصيل وفاة رضيعه يونس

الوكالة نيوز

تفاصيل وفاة يونس ابن الفنان حازم إيهاب.. كشف الفنان حازم إيهاب في تصريحات تليفزيونية لأول مرة عن تفاصيل وفاة رضيعه يونس، والذي توفى بعد مرور 13 يوماً فقط من ولادته، حيث وُلد الطفل بعيب خلقى في القلب، وتم وضعه في غرفة الرعاية المركزة بإحدى المستشفيات فور ولادته، ومن ثم أجرى عملية جراحية إلا أنه توفى بعد ساعات مع إجراء العملية.

الفنان حازم إيهاب يكشف لأول مرة تفاصيل وفاة رضيعه يونس

ظهر حازم إيهاب منهارا وعلى وجهه علامات الحزن في جنازة رضيعه يونس، وقال حازم إن الطبيب أخبره بوجود عيب خلقى في الجنين قبل الولادة بأربعة أشهر وعلى الرغم من ذلك إلا أنه رفض إجراء عملية اجهاض.

حازم إيهاب عن وفاة ابنه يونس: ابني كان متقدر له أو مكتوب له إنه هيجي يقعد معانا 13 يوم

وقال حازم خلال لقاءه في أحد البرامج على موقع التواصل الاجتماعي فيسبوك: ابني كان متقدر له أو مكتوب له إنه هيجي يقعد معانا 13 يوم ما كنتش بنام فيهم، وهيروح للي خلقه تاني، يعني ضمن الجنة كده من غير أي حاجة".

وأضاف: إحنا عرفنا مشكة وجود عيب خلقى في القلب و(منة) حامل، في حد في أمريكا قالي إحنا عندنا هنا بنزله على طول، كانت في الشهر الخامس، يعني إحنا أول ما عرفنا إن هو ولد، عرفنا إن في غرفة من غرف القلب عنده مكنتش شغالة، فممكن نستنى شوية وقت وتشتغل".

حازم إيهاب: الأزهر أفتى لي إن إحنا ننزل ابني ورفضت

وأوضح الفنان حازم إيهاب: الأزهر أفتى لي إن إحنا ننزله، بس أنا مكنش عندي المنطق ده، لأ أنا اللي ربنا كاتبه لابني هيشوفه، أكيد ربنا مش هيبقى عايزه يتعذب، بس أنا مكنتش هعرف أسامح نفسي، ممكن بعد ما أنزله أرجع أطارد نفسي بعدها بكام شهر، أقول طيب أفرض كنت سيبته يكمل مش جايز كان ربنا حط فيه معجزة، وكانت هتفرق بيني وبين ربنا كتير أوي، يعني كانت هتحسسني إني مبقتش واثق فيه".

وتابع: لقيت تليفون جايلي أنه توفى يعني، روح بقى لف لفة تصاريح الدفن وحساب المستشفى، وطبعا من سذاجتي عشان أول مرة أكون في موقف زي ده روحت مكلم حد حجزلي قاعة عزاء وبعدين اكتشفت أنه الأطفال مبيكونش ليهم عزاء أصلا

تفاصيل وفاة يونس ابن الفنان حازم إيهاب

اختتم حازم إيهاب حديثه قائلاً: وبرضو من سذاجتي باخد (يونس) وهو في الكفن ورايحين نصلي عليه، فإمام المسجد لقيته بيضحك وقالي (يا حبيبي إحنا بنصلي على المتوفي عشان ربنا يخفف عنه ويرحمه وكده.. فإحنا بنصلي على ده ليه؟ ده إحنا نحاول نتمحك فيه بس كده عشان يدخلنا معاه الجنة)، وراح واخده مني وحاطه مع نعش حد كان بيتصلى عليه برضو وروحنا مصليين عليه".