أخبار عاجلة
السيسي: في 2014 كنا بنعاني من أزمة الكهرباء دلوقتى بننتج ونوزع
علق الرئيس عبدالفتاح السيسي، على عرض الدكتور محمد شاكر وزير الكهرباء لإنجازات القطاع خلال السنوات الماضية، مضيفا: "كانت المشكلة في 2014 إن إحنا ننتج كهرباء بس؟.. لأ .. ننتج وننقل ونخلى جودة توزيعها عالية، علشان نعمل ده اتكلف تريليون و 58 مليار جنيه بدون تكاليف مشروعات حياة كريمة ..الرقم ده لما أتحط ، كتير مننا قال هل كان مطلوب مننا ؟ هل كان فيه خيار تاني ؟ ..لأ، مشيرا إلى أن الخطة العاجلة للكهرباء تكلفت 2 مليار دولار".
وأضاف الرئيس السيسي، خلال افتتاح محطة بنبان للطاقة الشمسية: "المحاضرة دي والتقديم بتاع الدكتور شاكر موجودة على موقع وزارة الكهرباء، وتفاصيل أكتر من كده، والبيانات دي مهم انها توصل للناس، سواء الورقي والتليفزيون والراديو نتكلم عن الموضوع ده علشان الناس تعرف الحكاية ماشية إزاي.
وتابع الرئيس: "لما باتكلم مع الناس يقولوا الكهرباء غالية علينا ، صحيح ، هي غالية لكن مش عاوزين نغليها عليكم".. أحب كل واحد ياخد حقه، أنا وفرت لك خدمة، ..حوكمة إجراءاتنا اللى احنا بنعمله نستهدف منه تحصيل ولا لأ؟ لو مش بنحصله هايبقى فيه عجز مش هتقدر الدولة تتحمله..دولة ذات شأن وننمى انفسنا وندي فرصة للقطاع الخاص والصناعة إنها تنمو وتستقر، ولو مفيش كهرباء المصانع هتقفل مصانعها والعمالة هاتبقى بره والبلد دي هتتهد".
بدأت منذ قليل، فعاليات افتتاح مشروعات جديدة في الصعيد، حيث يتفقد الرئيس السيسي مجمع بنبان للطاقة الشمسية بمحافظة أسوان، ويفتتح الرئيس السيسي عدداً من المشروعات التابعة لقطاع الكهرباء بمحافظات الصعيد، وتم فى بداية الافتتاح تلاوة آيات من القران الكريم.
وصرح السفير بسام راضى، المتحدث الرسمي باسم رئاسة الجمهورية، بأن مجمع بنبان للطاقة الشمسية هو أضخم محطة لتوليد الكهرباء من الطاقة الشمسية على مستوى العالم، والذي تم إنشاؤه بالشراكة مع القطاع الخاص والخبرات الدولية المتخصصة، كما يعد أحد أهم مشاريع البنية التحتية في مصر لتوليد الكهرباء من الطاقة الجديدة والمتجددة.
بث مباشر افتتاح مشروعات جديدة بالصعيد
تقدم بوابة الوكالة نيوز بث مباشر لفعاليات تفقد الرئيس عبد الفتاح السيسي، مجمع بنبان للطاقة الشمسية في أسوان، وذلك من أجل متابعة اللقاء بالكامل من خلال القنوات الرسمية التى تبث تلك الفعاليات الكبري.
ويمكنك مشاهدة البث المباشر من خلال الضغط على الرابط التالي.
ويتفقد الرئيس عبد الفتاح السيسي مجمع بنبان للطاقة الشمسية بمحافظة أسوان، كما يفتتح عدداً من المشروعات التابعة لقطاع الكهرباء بمحافظات الصعيد.
