اهم الاخبار
الجمعة 03 ديسمبر 2021
#الجمهوريةـالجديدة
رئيس التحرير
خالد العوامي

الفن

بلوجر شهيرة تستغيث بعد تعذيب زوجها لها ورضوى الشربيني تتدخل.. التفاصيل

الوكالة نيوز


انتشر على موقع التواصل الاجتماعي فيسبوك مقطع فيديو لبلوجر شهيرة تدعى ايفون نبيل يظهر استغاثتها من عذاب زوجها لها، حيث كشفت أنها تعاني من القلق والألم لما يسببه لها من خوف وفزع دائم بسبب شخصيته النرجسية.

 

بلوجر شهيرة تستغيث بعد تعذيب زوجها لها

ظهرت ايفون نبيل خلال بث مباشر عبر صفحتها الشخصية على موقع التواصل الاجتماعي فيسبوك، وقالت التالي: « مساء الخير يا جماعة، دي أول مرة أعمل نوعية من الفيدوهات دي، ما كنتش حابه أطلع أقول الكلام دا، ولا أتكلم بالطريقة دي، لأني طول الوقت بديكم طاقة ايجابية، انا حاليا محبوسة في بيتي، جوزي اخد مني اللاب توب والموبايل، وخبيت منه الموبايل دا علشان أعرف أطلع منه، غير إنه غير باسوردات معظم الصفحات».

وأضافت إيفون نبيل: «فيه مشاكل بيني وبين زوجي من سنين، لكني عمري ما طلعت اتكلم عنها، ودائمًا بدي طاقة ايجابية، أنا بواجه تهديدات كتير قوي، وقولت المرة دي أقدر استعينن بيكم يمكن الاقي حد ينقذني، مش عارفة أنزل من بيتي، وزوجي طلع آخر حاجة بيسجل مكالمات ما بيني وبينه، هو فيه أمان لحد بيسجل لمراته، انا مش قادرة أسجل من جوه  الصالة الفيديو علشان أولادي».

ايفون نبيل

وتابعت البلوجر ايفون نبيل: «أنا حياتي بتنهار بقالي 8 سنين بتهدد، كنت الأول بشتغل في قناة، قالي ما تنزليش ما تشتغليش علشان الأولاد قولت يمكن عنده حق، قعدت سنين ما بشتغلش، في مشاكل، اتحولت لخدامة في البيت، نظفي فوق التكيف، ومش عارفة ايه، وهي دي كل حاجة بعملها في حياتي فقط».

واستطردت: «فكرت في يوم من الأيام إيه ممكن يكون البديل، فقولت هصور فيدوهات في البيت، عمره ما رضي عني، ايه اللي انت بتعمليه دا، انت حاجة عرة، انت حاجة قليلة، انت فاشلة كأم ومذيعة وحاجة، أنا ما كنتش بديكم انتم الطاقة الايجابية، انا كنت بديها لنفسي، وبقيت أقوي بيكم، انتوا سند».

البلوجر ايفون نبيل

وأردفت البلوجر الشهيرة: «أنا عاوزة اطلع من البيت وعيالي معايه، ارجوكم بلغوا أي حد مسؤول، لأنه مطلع رقم سفارة يسفرهم، خليهم في حضني، أنا دلوقتي محبوسة في بيتي مش عارفة أخرج منه، وما معييش حد غير ربنا، أنا أبوي ميت، هو شغال في جهات كبيرة، وعارفة إنهم عمرهم ما هيقفوا معاه في الشر، لكن بتوجه لكل جه كبيرة، أرجوكم حد ينقذني، أنا آخر جاحة كتبتها قبل الفيديو  ادعولي، خلاص من قادرة، 8 سنين بيهد فيا، بيقولي انا ست فاشلة بكل المقايس».

واضافت: « قرأت عن النرجسية، وعرفت إنه شخص نرجسي، ورحت لدكتور وعرفت إنه عنده مشكلة، مشكلة النرجسية مش بتتحل، هو غير كل حاجة عني، انقذوني، حياتي بتبوظ، عاوزة اطلع انا وعيالي، تعبت، شخص بيتلون، هتبقي حياتنا كويسة، لكن يرجع يقول انت متخلفة هتعري عيالك، انت حاجة بيئة وقليلة، متسئلة: “انت شايفين كدا”».

واختتمت البلوجر الشهير البث المباشر: «شير للايف أجوكم، أنا ساكنة في الزيتون، والله ما عارفة أعمل إيه، المرة الجايه مش عارفة هيعمل ايه، أنا رافضة الحياة دي تاني،  بقالي 8 سنين بتعذب في ذل، كل النناس بتقولي بحبك، وهو: انت مكروهة، وكل الناس انت ناجحة، وهو: انت فاشلة، ربنا عوضني بالفيدوهات ليكم عن الشغل وأنا قادرة في البيت، لكن ليه عاوز تمنع عني دعم نفسي، يقول لي: دا وهم وفيك وناس وراء شاشات، عاوزة انفصل عنه وابعد، بخلع او طلاق عاوزة اربي عيالي وبس، عارفة إنه ممكن يشيل اللايف في أي وقت،و ربنا يسامحه على اللي بيعموا فيه، حد يغتني يا ناس حد ينقذني حقيقي حياتي بتنهار .. انا مش عارفه اتصرف أنقذوني».

رضوى الشربيني تتدخل بعد استغاثة البلوجر ايفون نبيل

من جانبها علقت الإعلامية رضوى الشربيني على البث المباشر للبلوجر الشهيرة ايفون نبيل، حيث طلبت منها رقم هاتفها المحمول لسرعة التدخل وانقاذها هى وأطفالها.