اهم الاخبار
السبت 18 سبتمبر 2021
#الجمهوريةـالجديدة
رئيس التحرير
خالد العوامي

أخبار عاجلة

روشتة السيسى لمكافحة الفساد: «البشر ميتعاملش غير مع مكن»

الرئيس عبد الفتاح
الرئيس عبد الفتاح السيسي

قال الرئيس عبدالفتاح السيسى: "خلوا بالكم دولة زى مصر فيها 100 مليون حجم العمل فى مصر لو مميكن ميكنة كاملة كتير من الحاجات اللى بتعانوا منها وبتشوفوها مش هاتبقى موجودة، لو فيه فساد عاوزين تواجهوه بجد مش هيتواجه غير بكده إن البشر ميتعاملش غير مع مكن سواء كان المواطن أو الموظف ومفيش اتصال مباشر مع الموضوع.. النظام ده موجود فى العالم مندخلوش عندنا ليه؟.

معايير أوروبية

أكد الرئيس عبدالفتاح السيسي، عدم السماح بدخول أى بضائع إلا طبقا للمعايير الأوروبية بداء من مارس 2022.

وقال الرئيس السيسي خلال تفقد عمليات تطوير ميناء الإسكندرية البحري: "بقول الكلام ده علشان الشركات المعنية تساعد الدولة والحكومة في الإجراءات اللي بنعملها وهى هدفها تسهيل الأعمال وقدر ضخم من الشفافية، فضلا عن دولة بتتكلم زي ما الدول المتقدمة في التجارة بتعمل كده، لأنه النهاردة احنا شغالين فى حاجة اسمها المعايير الأوروبية علشان لن نسمح بدخول أى بضائع إلا طبقا للمعايير الأوروبية".

مواصفات دقيقة

وتابع الرئيس السيسي: "مش هنقبل ان حاجة تخش، اى حد يستورد اى حاجة يبيعها للناس تشتغل أسبوع او شهر وتترمى لا.. احنا هندخل كل البضائع اللى هتخش البلد طبقا للمعايير زى الدول المحترمة مبتشتغل.. حاجتنا من شركات محترمة علشان الناس اللى في مصر تشترى وهى مطمنة ومش هنسمح لأى مستورد أنه يجيب أى حاجة مش هانوافقله وكام شهر اللى فات كان عبارة عن إجراءات اختبارية، لكن من أكتوبر هنبدأ التجهيز للتطبيق، وبدءا من مارس 2022 سيتم تطبيق المعايير اللى اتفقنا عليها، لكل البضائع اللى تخش مصر طبقا للمعايير الأوروبية، ويبقا ادينا فرصة للمستوردين لما يتعاقدوا على بضائع ومواد هيطبق عليها المعايير اللى بتكلم عليها، ولو مش هانبقا جاهزين في مارس 2022 قولولي".

بناء دولة حقيقية

قال الرئيس عبد الفتاح السيسي:" أنا بتكلم على مسار بناء دولة ماشية بيه ، علشان نكون دولة حقيقية وقوية ، فمصر مسؤولة مننا ومن شعبها "، حيث أن الدولة أصبح لها مسار مختلف، فأصبحت تمتلك قدرة حقيقية، ومقومات اقتصادية حقيقية ، كي تستفيد من موقعها الجغرافي المتميز .

تابع الرئيس عبد الفتاح السيسي :" كل اللي بنقول عليه بنعمله بإيدينا، علشان المصريين ومصر هما اللي يستفادوا مش المستثمرين، فتكلفة المشاريع ضخمة، ولكن العاملين مصريين، واتعاقدنا مع اكبر مشغل أوروبي، لتطوير الميناء والإشراف علي اكتمال المشروع ، فمصر أصبحت موقف قوة أمام المستثمرين الأجانب "

استكمل الرئيس عبد الفتاح السيسي، أن هناك العديد من المشغلين الأجانب جاهزين للتعاقد مع مصر، لإدارة مشاريعها، لكن بعدما أصبحت مصر مصدر قوة فإنها تتجه إلي الاكتفاء بذاتها وبمشاريعها، فالهدف الأساسي هو تنمية مصر، وزيادة فرص عمل لشبابها، بالإضافة إلي وضع مصر علي خريطة حقيقية بمشاريعها .

أنهي الرئيس عبد الفتاح السيسي كلمته خلال تفقد ميناء الإسكندرية :" احنا محتاجين معدلات عمل أكتر بكتير علشان بلدنا تبقي مصدر قوة أكتر ، ونصحح المسار الحالي لمصر".