اهم الاخبار
الخميس 23 سبتمبر 2021
#الجمهوريةـالجديدة
رئيس التحرير
خالد العوامي

تعليم

الأوراق المطلوبة للالتحاق بالكليات في العام الجامعي الجديد

وزارة التربية والتعليم
وزارة التربية والتعليم

يستمر عملية البحث من طلاب وطالبات الصف الثالث الثانوي في هذه الفترة حول معرفة كل الاوراق المطلوبة للإلتحاق بالكلية للعام الجامعي الجديد 2021-2022 وطريقة التحويل والاغتراب من كلية إلى كلية أخري ويتم إلكترونيًا من خلال موقع التنسيق.

ومن منطلق دور بوابة الوكالة نيوز نستعرض لمتابعتها من طلاب وطالبات الصف الثالث الثانوي الأوراق المطلوبة للإلتحاق بالكلية للعام الدراسي الجديد.

وتكون الأوراق المطلوبة للتقديم في الكليات للجامعات للعام الدراسي الجديد، تكون كالتالي:-

- استخراج عدد ٢ شهادة قيد ميلاد الكترونى (جديدة اللى فيها ٣ ارقام).

- عدد ١٠ صور شخصية ٤×٦ (صور حديثة).

- صورة البطاقة الشخصية للطالب.

- صورة البطاقة الشخصية لولى الامر.

- استمارة ٢ جند للذكور (لازم بالبطاقة).

- استمارة ٦ جند لكل المواليد الاكبر من مواليد ٢٠٠١ (لازم بالبطاقة).

- صورة رقم الجلوس.

- فايل توضع به الاوراق.

- وذلك بعد ظهور النتيجة.

- صورة شهادة الثانوية العامة مع الاطلاع على الاصل.

- استمارة ٢ جند و ٦ جند للذكور فقط وتستخرجها من منطقة التجنيد.

- ضع ٦ صور فى الفايل.

- بعد ظهور نتيجة التنسيق.

- صورة من بطاقة الترشيح.

وبالنسبة لخطوات تقليل اغتراب الكليات 2021 لطلاب الثانوية العامة، كالتالي:

- لما موقع التحويل يفتح هتدخل عليه عادى زى خطوه الرغبات بالظبط هتكتب البيانات دى  صورة رقم (1).

- هتضغط على قائمة جديدة صورة رقم (2) ، هتلاقى قائمة كليات تقدر تضيف منها كلية او كتر وبعد كدا هتضغط التالى صورة رقم (4). 
- بعد كدا هتكتب البيانات اللى فى الصورة علشان تبعت الطلب لمكتب التنسيق صورة رقم (5). 
- بعد مانتيجة تقليل الاغتراب والتحويل تظهر هتلاقى لنفسك بطاقه ترشيح جديده زى اللى فى صورة 6.

- ويعتبر بطاقه الترشيح اللى قبل التحويل لاغية والبطاقة اللى بعد تقليل الاغتراب او التحويل هيا اللى هتقدم بيها فى الكلية  صورة رقم (6).

وتكون الشروط المطلوبة للتحويل الغير مناظر "التحويل"من كلية إلى كلية أخرى، كالتالي:

- أن يكون الطالب حاصل على مجموع الكلية المراد التحويل إليها انتظام او انتساب.

- أن تكون الكلية دى واقعة داخل نطاق " أ " فقط.

- مثال على ذلك لو جاء الطالب كلية  تجارة المنصورة وانت عايز تحول حقوق المنصورة بما ان المنصورة نطاق " أ " بالنسبالك وكمان جايب مجموع حقوق يبقى التحويل هيقبل.

- مثال اخر لو جاء للطالب كلية  تجارة المنصورة وأنت عايز تحول حقوق عين شمس وانت نطاقك المنصورة وبرغم انك جايب حقوق عين شمس كدا التحويل مش هيقبل لان عين شمس خارج توزيعك الجغرافى.

وبينما الشروط المطلوبة لإتمام عملية التحويل المناظر "تقليل الاغتراب"، كالتالي:

- تحويل من كلية خارج نطاقك الجغرافى الى نفس الكلية داخل نطاقك الجغرافى ولا يشترط الحصول على مجموع الكلية.

- مثال لو جاء للطالب  كلية تجارة عين شمس وعايز تحول تجارة المنصورة على الرغم ان مجموعك مش جايب تجارة المنصورة تقدر تحول عادى وكل مايكون الفرق بينك وبين تجارة المنصورة بسيط كل مايكون نسبه قبولك فى تقليل الاغتراب اكبر.

-  في حالة ترشيح الطالب إلى كلية ما (انتظام) ويرغب في التحويل إلى كلية مناظرة لتقليل الاغتراب فيكون التحويل في هذه الحالة وفقاً لما يلي:

- إذا كان الطالب حاصل على مجموع درجات يفوق الحد الأدنى لمجموع درجات (الانتساب الموجه) الذي قبل بالكلية التي يرغب في التحويل إليها فيتم قيده حال الموافقة على تحويله وفق نظام (الانتظام).

- إذا كان الطالب حاصل على مجموع درجات يساوي أو أقل من الحد الأدنى لمجموع درجات (الانتساب الموجه) الذي قبل بالكلية التي يرغب في التحويل إليها فيتم قيده حال الموافقة على تحويله وفق نظام (الانتساب الموجه).

- يتم قبول تحويلات في حدود نسبة مئوية يحددها المجلس الأعلى للجامعات بنسبة 10% من الاماكن المقررة لكل كلية وطبقا للإمكانيات الاستيعابية للكليات.